يا مرحبا بزوارنا

قصيدة ترحيبية في احتفال ركن مركز أم الجرم بمهرجان خليص الزراعي السياحي الترفيهي، يوم الأربعاء 12 /6 /1439 هـ: 
–
الشعر حان وموعد الشعر لا حان
هواجس الشاعر تسابق بالالحان

يا مرحبا بزوارنا والتراحيب
تنساق من دافع معزه ووجدان

ومن مركز ام الجرم نهدي قصيده
الديره اللي للبطولات عنوان

دايم على نهج الوفا والمعزه
من ماضي الوقت القديم والى الآن

قصيدةٍ متفرده بالفرايد
بابداعها تفرق بمعنى وقيفان

ترعد وتبرق مثل وبل المخيله
اللي سمع واللي يشاهد بالاعيان

وتهل فوق المهرجان الزراعي
وسيّاحه اللي شرفوا فيه وازدان

برعاية اللي يا عسى عمره يطول
هو راعي الموقف وهو عالي الشان

امير مكه مستشار القياده
الفيصل الفيصل سلايل كحيلان

سمى بهقوات الاهالي وصارت
المستحيلات العظيمه بالامكان

ولو نكتب مْن الشعر ونعيد ونزيد
تعجز به حروف القوافي والاوزان

وان طرّوا المجد العظيم الحقيقي
لخليص واهل خليص بـ يمين ولْسان

محافظة متميزه ومْعروفه
وفيها مراكز تسعه وشانها شان

من مكه ومكه لها كل تقدير
ام القرى مهبط وحي خير الاديان

همزة وصل ما بينها وبين طيبه
اللي لزايرها مفاتيح رضوان

وفيها الرجال اللي تروم المعالي
اللي بحزات المواقيف تنبان

وفيها الاصاله من قبل والثقافه
محفوظةٍ في كل مجلس وديوان

وفيها العوايد والسواير والاعراف
اللي تزيد امن التلاحم والاحسان

وفيها الحضاره شامخه (والتطور)
يواكب الحاضر مع ابداع واتقان

وبكل يوم نشوف حاجه جديده
مثل بزوغ الفجر والنور لا بان

الين صارت للتقدم علامه
بجهود اهلها من شبابٍ وشيبان

ولا بد من ذكر الجهود العظيمه
اللي بفضل الله بنت شي ما كان

وصار الطموح اللي خيالي حقيقه
والحاضر الشاهد عن القول برهان

ولمحافظ خليص الشكر والتحيه
ومنهم معه كانوا على الخير الاعوان

اللي رسم بجهوده وفكره الفذ
طريق وصل حلمنا فوق الامزان

فيصل وفيصل في فعوله ورايه
الحازمي قصره مجوّد بسيسان

دكتور ومحنك وفعله دليله
مشهود له بالخير في كل الاحيان

ولولا الله العالي ووقفة معزّي
ما كان شفنا الدار في امن وآمان

وقف ووحّد مملكتنا بسيفه
وكل القبايل صاروا اعوان واخوان

وسيرة معزي باقيه ومْحفوظه
ما تندثر تبقى على مر الازمان

ويعيش سلمان الحزم والمواقيف
والله يعز الدار في ظل سلمان

الحازم العازم سليل السلاطين
بوقفته تدمر مخطط ايران

لا سل الاجرب في وجيه الاعادي
تطير روس وينخزي كل شيطان

حليم وكفوفه بجوده نديه
لكن ليا منه غضب ثار بركان

ومحمد محمد ويا حي طاريه
اللي منومسنا على كل ميدان

ولي عهد المملكه ذايع الصيت
ترثةٍ معزي شذرة السيف شامان

شبيه جده والفخر مكسبٍ له
بفعوله وفكره ذهل كل الاذهان

وبرؤيته صيّر ما لا يمكن يصير
وطموح كل الشعب مع رؤيته زان

والله يحفظ جنودنا اللي على الحد
اللي يذودون ويضدون عدوان

وبلادنا تبقى ونرخص لها الروح
وحنا جنود الدار لا ثار دخان

وختامها باصواتكم قولوا آمين
الله يديم الخير في خير الاوطان

الشاعر:عبدالرحيم عبدالعزيز سالم الشيخ