العمر يمضي ..

العمر يمضي وتمضي خطوته للأمام
وبْدايته تنتهي ونْهايته تبتدي

*******

وطبع الليالي تدور وتختبر فـ الانآم
ومصير بعض العرب يا لاش والا اجودي

*******

واللي ينام ويقوم وماله ايّـة مرام
هذا ما ودك تقلّه جعل عمرك مدي

*******

يعيش عمره ما بين المعمعه والزحام
وإن مات حتى عياله فيه ما تقتدي

*******

واللي ما يقدر يروم المجد خله ينام
وإن كان ما هو من حقه فلا يعتدي

*******

أنا تقدمت خطوه واجتنبت الملام
ولاني مفكّر بمن قبلي ومنّ بعدي

*******

أسابق العمر لجل أعيش دون انهزام
وما يأخرّ اسمي سوا ترتيبه الأبجدي

*******

واعنّي أقدام حلمي واتخطّى الغمام
وغصن الطموحات يبقى طول عمره ندي

*******

واقدّر الطيّب اللي له فعولٍ جسام
واعدّه اكبر من حزامي ومن مسندي

*******

والاّ الردي ما نبي منّه سلام وكلام
ما دامت ْخطاه يم الخايبات تعدي

*******

واليا سعيت أبذل جهودي بكل انتظام
وما أسعى لـ شيٍ ما يستاهل عظيم جهدي

*******

والحاجه اللي تنقّص من مقام الكرام
أعوفها لو تجي عندي وتاصل يدي

*******

مشيت في دربي وقلت الهمام الهمام
حتى ولو كان دربي متعب وسرمدي

*******

وحطيت بين الردا والطيب نقطة نظام
وعرفت وجه الرفيق الطيّب امن الردي

******* ******* ******* *******

عبدالرحيم عبدالعزيز سالم الشيخ
@a_abnsalem

19 تعليق على “العمر يمضي ..

Ay.22

صح لسانك
انورت الصحيفة بوجود امثالك من الشعراء المبدعين

Alsheikh

قصيدة رائعه وصفا وابداعا
استمر الله يحفظك

غير معروف

صح لسانك و كلام يسطر بماء الذهب

غير معروف

ماشاء الله تبارك الله

قصيده تكتب بماء الذهب وتنم عن عقلية ناضجه لشاعرها

استمر يا مستقبل الشعر وفالك التوفيق والنجاح

الشيخ

كتبت ف ابدعت وصغت ف ابهرت ابداع من منبع الابداع والجزالة تتباهى الحروف وتنحني امام فيضك الشعري وليس بغريب الابداع من منبعه فوالدك شاعر ،، هنيئاً لنا بشاعر يمتلك الابداع والجزالة في هذا العمر فقد سبقت من قبلك ماشاء الله .. صح لسانك واعتلى شانك

ابن نويشي

تستاهل البيرق قليل كلمة صح لسانك الى الامام اتمني لك التوفيق

ابومشاري

اقول هذا الكلام اللي عليه الكلام // قصيدتك عبرت عن ماحوى مقصدي

اقول لله درك بعدها ياسلام // يالشاعر اللي بزغ نجمه سوات الجدي

غير معروف

صح لسانك يابن عبدالعزيز
شاعر ومبدع وصاحب جزاله ومفرده جميله
ولك مستقبل كبير في عالم الشعر ان شاء الله
صغير سن ولكنك كبير قدر
وشبل من اسد
وعمرك قدامك ان شاء الله على طاعة وصلاح يابني

عبدالله ظافر الشيخ

صح لسانك ياولد عمي

الصحفي

صح لسانك …..عقل ناضج وشاعريه مبهره
ماشاء الله تبارك الله
الله يزيدك ويحميك من شر الاشرار

مشاري الشهري

صح لسانك وعلى الثانيه عانك ي بن سالم
كفو ي شيخ الشيوخ

مشاري الشهري

صح لسانك وعلى الثانيه عانك ي بن سالم
كفو ي شيخ الشيوخ

عواض الصحفي

صح لسانك
ونعم الرجل عبدالرحيم .

h.77

شيخ ولد شيخ
صح لسانك

احمد المرامحي الحربي

صح لسانك ….
هذا الشبل من ذاك الاسد
شيخ ولد شيخ
الله يحفظ من عقبك انشهد انه عقب رجال
اخلاق…طيبه.. معرفه

لا تطول علينا ونبغى الجديد ….
الصحيفه فاتحه ابوابها لشبابها
بارك الله فيك وحفظك المولى من كل شر

ابو سديم

ما شاء الله تبارك الله قصيدة مزيج من الحكمة و الجزاله و روح العظماء

‏صح لسانك و بيض الله وجهك شاعرنا الصاعد بابداع

حان لك ان تتربع على عرش الشعر يا ” تاج القصيد “

شكرا صحيفة غران

ماشاء الله تبارك الله

شاعر بهذا العمر ويكتب مثل هذه القصائد المرصعه بالذهب وبهذه العقليه الناضجه حتما انت فخرا للمجتمع وشباب المحافظه انت لست حصرا على قبيلتك بل تفتخر فيك محافظة خليص وبمن مثلك من الشباب الموهوبين

استمر ياعبدالرحيم فقد اتبعت من بعدك

بارك الله فيك يا فخر خليص

والشكر لصحيفة غران وللاستاذ احمد الصحفي على التميز والابداع واستقطاب كل مايثري الصحيفه من ابناء المحافظه

غير معروف

ما شاء الله تبارك الله يبناخي استمر الله يوفقك
– ابيات مثل الذهب ماهي فتات وحطام
– هذا كلام الرجال اللي لها مسندي
?

محمد البشري الحربي

ولّا الردي ما نبي منّه سلام وكلام
ما دامت خطاه يم الخايبات تعدي
صح لسانك يا عبدالرحيم
وفقك الله وبارك الله فيك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *